Мектебімізде «Бірлікте – береке» тақырыбы аясында «Бір шаңырақ астында» атты ерекше кітап көрмесі ұйымдастырылды. Көрменің мақсаты – өскелең ұрпақтың бойында отансүйгіштік қасиетті ояту, еліміздегі ұлтаралық татулық пен достықты дәріптеу. Оқушылар еліміздің бірлігі мен татулығын паш ететін тың туындылармен танысты.Кітап – білім бұлағы ғана емес, халықтарды жақындастыратын алтын көпір. Бірлігіміз бекем, шаңырағымыз биік болсын!

Жас мамандар апталығы аясында ұйымдастырылған көңілді үзіліс. Бұл үзіліс — күнделікті сабақтан бір сәт демалып, көтеріңкі көңіл-күй сыйлайтын ерекше уақыт. Ұйымдастырушылар: Дәулетжанова Айнұр Әуелбек Жанаргүл

Жақсылық жасау — адам баласының ең асыл қасиеттерінің бірі. Жақсылық жүректен шыққанда ғана шынайы болады. Біреуге жылы сөз айту, көмектесу, қолдау білдіру — үлкен ерлікпен тең. Жақсылық жасаған адам өзгеден ештеңе күтпейді, себебі оның сыйы — таза ниет пен рухани қанағат. Әрбір жасалған жақсылық өмірге жарық сыйлап, қоғамды мейірімге бөлейді. Жақсылық жасау арқылы адам өзін де, айналасын да көркейтеді.

Мектебімізге Сағадат Нұрмағамбетов атындағы Құрлық әскерлерінің Әскери институтының өкілдері келіп, бітіруші сынып оқушыларына арналған үгіт-насихат жұмысын жүргізді. Кездесу барысында әскери институтта білім алу мүмкіндіктері, қабылдау талаптары, оқу үдерісі мен болашақ әскери мамандықтардың артықшылықтары туралы кеңінен мәлімет берілді. Оқушылар өздерін қызықтырған сұрақтарын қойып, нақты жауаптар алды. Бұл кездесу жас ұрпақтың Отан алдындағы борышын терең түсініп, әскери мамандыққа деген

Мектеп ауласында қар күреу жұмыстарына белсене қатысып, мектептің қоғамдық жұмысына өз үлестерін қосқан 11-сынып оқушыларына шынайы алғысымызды білдіреміз. Сіздердің ұйымшылдықтарыңыз, еңбекқорлықтарыңыз және жауапкершіліктеріңіз – өзгелерге үлгі! https://www.instagram.com/reel/DTr3z_tCPj0/?igsh=a2w5dGNqNzl2YzMw 

Мектебіміздің 9-11 сынып оқушыларына “Заң және тәртіп” тақырыбында ашық тәрбие сағаты өтті.#біртұтас_тәрбие #біртұтас_тәрбие_алматы #алматы_адалазамат #

Бүгін 16.01. 2026ж. күні мектеп психологі 11 сынып оқушыларына «Менің ішкі тыныштығым» тақырыбында тренинг жүргізді. Мақсаты: ҰБТ алдындағы қобалжу мен уайымды азайту. Тренинг барысында: Өзіне деген сенімділікті арттырып, эмоциялық тұрақтылық қалыптастыру көзделді.

№169 мектеп-лицейінде бүгін ас мәзірі мен тамақтандыру сапасына қатысты тексеріс жұмыстары жүргізілді. Тексеріс барысында оқушыларға ұсынылатын тағамдардың сапасы, санитарлық талаптардың сақталуы, ас мәзірінің бекітілген нормаларға сәйкестігі қаралды. Бракераждық комиссия мүшелері тарапынан күнделікті бақылау жүзеге асырылып, тиісті қорытындылар жасалды. Оқушылардың қауіпсіз әрі сапалы тамақтануын қамтамасыз ету бағытындағы жұмыстар тұрақты түрде жалғасады.

«XXI ғасырдағы ұлттық сана және білім беру: заманауи педагогтің көзқарасы» тақырыбында VIII педагогикалық оқулар байқауының мектепішілік кезеңі өткізілді. Байқауға мектептің 8 бірлестігінің мұғалімдері қатысып, ұлттық құндылықтарды білім беру үдерісіне кіріктіру, заманауи педагогтің кәсіби ұстанымы мен жаңашыл тәжірибелері бойынша өз көзқарастарын ортаға салды. Сайыс барысында қатысушылардың шығармашылық ізденісі, педагогикалық шеберлігі мен кәсіби ой-тұжырымдары жоғары деңгейде көрініс тапты.

15.01.2026 жылы 11 “Б” сынып оқушыларымен “Стресске төзімділік” тақырыбында психологиялық қолдау көрсетілді. Іс-шара барысында оқушыларға стресс ұғымы, оның пайда болу себептері және адам психикасына әсері туралы ақпарат берілді. Стресті басқару жолдары түсіндіріліп, тыныс алу жаттығулары, релаксациялық әдістер және жағымды ой қалыптастыруға бағытталған практикалық тапсырмалар орындалды.