Оқушыларға белсенді түрде терроризм актісі орын алатыны немесе дайындалып жатқаны туралы нақты негізі жоқ, жалған ақпарат беру қылмыс болып табылатыны жайлы және бұл заң актісі арқылы құқық қорғау органдарына түсетін хабарлама ақиқатта жоқ қауіп туралы ақпаратты білдіретіндігі жайлы түсіндірме жұмысы жүргізіліп бейнеролик көрсетілді.

Бүгін 169 мектеп-лицейінде бала қауіпсіздігін қамтамасыз ету мақсатында мектеп аумағының күзетіне жауапты «Жаснұр» күзет бөлімінің жұмыс барысы зерделенді. Тексеру барысында қауіпсіздік талаптарының сақталуы, кіріп-шығу тәртібі және кезекшілік қызметтің ұйымдастырылуы назарға алынды. Сонымен қатар, күзет қызметкерлерімен түсіндірме жұмыстары жүргізіліп, бала қауіпсіздігін қамтамасыз етудегі жауапкершілік талаптары ескертілді. Оқушылардың қауіпсіздігі – басты назарда.

3 “Д”сыныбы Жаратылыстану сабағы. “Топырақтың қандай қасиеті бар?” тақырыбында өткен тәжірибе сабағы. Қазіргі таңдағы ғылымилық, теориялық деп жатамыз, сол жаңашылдықты оқушыларға үйретуден бастау керек. Оқушылар өте белсене, қызыға қатысты. Және тәжірибе жасау барысында тереңірек түсініктері қалыптасты. Сынып жетекшісі: Аида Саматқызы

Мектеп парламентінің ұйымдастыруымен “Осы тоқсаннан бастап мен…” атты мотивациялық челлендж түсірілді 🎥 Челлендж барысында оқушылар жаңа тоқсанда өз алдына мақсат қойып, білім алуда, тәртіп пен белсенділікте оң өзгерістер жасауға ниеттерін білдірді. Бұл бастама оқушыларды жауапкершілікке, өз-өзін дамытуға және саналы таңдау жасауға жетелейді. Алға қойған мақсаттар орындалып, жаңа тоқсан табысты болсын! 👏

Мектебімізде «Бірлікте – береке» тақырыбы аясында «Бір шаңырақ астында» атты ерекше кітап көрмесі ұйымдастырылды. Көрменің мақсаты – өскелең ұрпақтың бойында отансүйгіштік қасиетті ояту, еліміздегі ұлтаралық татулық пен достықты дәріптеу. Оқушылар еліміздің бірлігі мен татулығын паш ететін тың туындылармен танысты.Кітап – білім бұлағы ғана емес, халықтарды жақындастыратын алтын көпір. Бірлігіміз бекем, шаңырағымыз биік болсын!

Жас мамандар апталығы аясында ұйымдастырылған көңілді үзіліс. Бұл үзіліс — күнделікті сабақтан бір сәт демалып, көтеріңкі көңіл-күй сыйлайтын ерекше уақыт. Ұйымдастырушылар: Дәулетжанова Айнұр Әуелбек Жанаргүл

Жақсылық жасау — адам баласының ең асыл қасиеттерінің бірі. Жақсылық жүректен шыққанда ғана шынайы болады. Біреуге жылы сөз айту, көмектесу, қолдау білдіру — үлкен ерлікпен тең. Жақсылық жасаған адам өзгеден ештеңе күтпейді, себебі оның сыйы — таза ниет пен рухани қанағат. Әрбір жасалған жақсылық өмірге жарық сыйлап, қоғамды мейірімге бөлейді. Жақсылық жасау арқылы адам өзін де, айналасын да көркейтеді.

Мектебімізге Сағадат Нұрмағамбетов атындағы Құрлық әскерлерінің Әскери институтының өкілдері келіп, бітіруші сынып оқушыларына арналған үгіт-насихат жұмысын жүргізді. Кездесу барысында әскери институтта білім алу мүмкіндіктері, қабылдау талаптары, оқу үдерісі мен болашақ әскери мамандықтардың артықшылықтары туралы кеңінен мәлімет берілді. Оқушылар өздерін қызықтырған сұрақтарын қойып, нақты жауаптар алды. Бұл кездесу жас ұрпақтың Отан алдындағы борышын терең түсініп, әскери мамандыққа деген