01.02 - 12.02.2021 ж аралығында Өзін-өзі тану: «Махаббат пен Шығармашылық педагогикасы» онкүндігінің аясында мектепішілік іс-шара жоспары

01.02 - 12.02.2021 ж аралығында Өзін-өзі тану: «Махаббат пен Шығармашылық педагогикасы» онкүндігінің аясында мектепішілік іс-шара жоспары негізінде мектебімізде «Өзін-өзі тану» рухани-адамгершілік білім беру бағдарламасының авторы С.А. Назарбаеваның 80 жылдық мерейтойына арналған онлайн іс-шаралар өтілді. Іс-шаралар мақсаты негізінде Қазақстанның бірінші ханымы «Бөбек» балалар қайырымдылық қорының Президенті Сара Алпасқызы Назарбаеваның өмір жолы, жалпы адамзаттық рухани құндылықтарға бастайтын қайырымдылық іс-шараларымен таныстыру, еңбектерімен, атқарған жұмыстары жайлы мағлұмат беру болды.
«Мейірім төгетін ана» тақырыбында рухани-адамгершілік білім беру бағдарламасының авторы С.А.Назарбаеваның еңбектеріне кітап көрмесі көрсетілді. Рухани-адамгершілік білім беру бағдарламасының авторы С.А.Назарбаеваның «Рухани-адамгершілік дамудың 12-сатысына» стенд көрме ұйымдастырылып, онда Сара Алпысқызының айтқан ойлары мен фотосуреттерден құралған көрме жасалынды. Сонымен қатар, Сара Алпысқызына қатысты фильмдер көрсетіліп, оның өмірлік жолы мен «Өмір әдебі» шығармашылығымен таныстырылды. «Адамгершілік пен руханияттың мөлдір бұлағы» 11-11 сыныптар, арасында балалардың шығармашылық жұмыстарынан (суреттер, ашық хаттар, қолдан жасалған бұйымдар) көрме ұйымдастырылды. Көрмеде оқушылардың еңбектері мен салған суреттері ұсынылды. Онкүндіктің аясында өзін-өзі тану пәні мұғалімі Қыдырбай Ботакөздің ұйымдастыруымен 6 «б» сыныбында «Мен және қоршаған әлем» атты тақырыпта ашық сабақ өткізілді.
https://www.instagram.com/p/CLL1Ns9HTVD/?igshid=1onr660vdblv8