Сабақта электронды оқулықтарды пайдалану жолдары. Мақсаты: Оқыту үдерісінде электронды оқулықтарды пайдаланудың басты ерекшеліктері мен мүмкіндіктерін таныстыру. Электронды оқулықтағы тапсырмалар арқылы оқушының қызығушылығын арттыру, өз бетінше жұмыс істеуін қалыптастыру. Бастауыш сынып мұғалімдері: Рабатова Н.Б. Телағысова Г.С.

«XXI ғасырдағы ұлттық сана және білім беру: заманауи педагогтің көзқарасы» тақырыбында VIII педагогикалық оқулар байқауының мектепішілік кезеңі өткізілді. Байқауға мектептің 8 бірлестігінің мұғалімдері қатысып, ұлттық құндылықтарды білім беру үдерісіне кіріктіру, заманауи педагогтің кәсіби ұстанымы мен жаңашыл тәжірибелері бойынша өз көзқарастарын ортаға салды. Сайыс барысында қатысушылардың шығармашылық ізденісі, педагогикалық шеберлігі мен кәсіби ой-тұжырымдары жоғары деңгейде көрініс тапты.

 Жас мамандар апталығының ашылуы өтті Бүгін «Менің атым – Жас маман» тақырыбында жас мамандар апталығының салтанатты ашылуы өтті. Іс-шара барысында жас мамандар өздерін таныстырып, кәсіби мақсаттары мен болашаққа деген жоспарларымен бөлісті. Бұл апталық жас мамандардың шығармашылық әлеуетін арттыруға, тәжірибе алмасуға және кәсіби дамуына серпін береді. Алда өтетін іс-шаралар барша қатысушыларға жаңа мүмкіндіктер мен тың идеялар сыйлайды деп сенеміз.

№169 мектеп-лицейінде 4-педагогикалық кеңес өтті. Кеңестің тақырыбы — «Білім мен тәрбиенің сапасын арттырудағы басты талаптар». Іс-шара барысында білім мен тәрбие үдерісін жетілдіру жолдары, оқыту сапасын арттыру, педагогтердің кәсіби жауапкершілігі және заманауи талаптарға сай жұмыс жүргізу мәселелері талқыланды.

“Ұлағат” шығармашылық тобымен өткен кезекті отырыс

Жас мамандар апталығы аясында асхана қызметкерлеріне арналған ағылшын тілін үйрену сабағы ұйымдастырылды. Сабақты ағылшын тілі пәні мұғалімі Ермаханбетова Салтанат жүргізді. Үйрену барысында күнделікті тұрмыста жиі қолданылатын қажетті сөздер қамтылды: сәлемдесу үлгілері, жеміс-жидек атаулары, ыдыс-аяқ пен тағам атаулары. Шара қызметкерлердің тілдік қорын дамытуға, күнделікті қарым-қатынаста ағылшын тілін қолдануға бағытталды.

20.01.25 күні тарих пәні мүғалімі жас маман Нұрсадық Аяулымның ұйымдастыруымен арт терапия өтті. Арт терапия барысында тарихи тұлғаларды бейнелеп, тынығу практикалары орындалды. Жас мамандар апталығы аясында атқарылған іс-шара жаңа идеялар мен бастамалардың негізі болды.

5-7 сынып жетекшілері мен пән мұғалімдеріне арналған жиналыс өткізілді. Жиын барысында I жартыжылдықтың оқу-тәрбие жұмыстарының қорытындысы талданып, білім сапасы, үлгерім көрсеткіштері және алдағы міндеттер қарастырылды. Мұғалімдер тарапынан ұсыныстар айтылып, екінші жартыжылдыққа қойылатын негізгі бағыттар айқындалды. Басты мақсат – оқушылардың білім сапасын арттыру және жүйелі жұмысты жалғастыру.

“Ұлағат” шығармашылық тобының ұйымдастыруымен “STEM, STEAM бойынша пәнаралық байланысты күшейту” тақырыбында мектепішілік семинар өткізілді. Семинар барысында жаратылыстану-математикалық бағыттағы пәндер арасында пәнаралық байланысты тиімді ұйымдастыру, STEM және STEAM технологияларын оқу үдерісінде қолданудың жолдары талқыланды. Қатысушылар тәжірибе алмасып, заманауи әдіс-тәсілдер арқылы оқушылардың шығармашылық және зерттеушілік қабілеттерін дамытуға бағытталған идеялармен бөлісті.

8–11 сынып жетекшілері мен пән мұғалімдеріне арналған жиналыс өткізілді. Жиын барысында I жартыжылдықтың оқу-тәрбие жұмыстарының қорытындысы талданып, білім сапасы, үлгерім көрсеткіштері және алдағы міндеттер қарастырылды. Мұғалімдер тарапынан ұсыныстар айтылып, екінші жартыжылдыққа қойылатын негізгі бағыттар айқындалды. Басты мақсат – оқушылардың білім сапасын арттыру және жүйелі жұмысты жалғастыру.