3 “Д”сыныбы Жаратылыстану сабағы. “Топырақтың қандай қасиеті бар?” тақырыбында өткен тәжірибе сабағы. Қазіргі таңдағы ғылымилық, теориялық деп жатамыз, сол жаңашылдықты оқушыларға үйретуден бастау керек. Оқушылар өте белсене, қызыға қатысты. Және тәжірибе жасау барысында тереңірек түсініктері қалыптасты. Сынып жетекшісі: Аида Саматқызы

Жас мамандар апталығы аясында ұйымдастырылған көңілді үзіліс. Бұл үзіліс — күнделікті сабақтан бір сәт демалып, көтеріңкі көңіл-күй сыйлайтын ерекше уақыт. Ұйымдастырушылар: Дәулетжанова Айнұр Әуелбек Жанаргүл

Мектебіміздің 9-11 сынып оқушыларына “Заң және тәртіп” тақырыбында ашық тәрбие сағаты өтті.#біртұтас_тәрбие #біртұтас_тәрбие_алматы #алматы_адалазамат #

«XXI ғасырдағы ұлттық сана және білім беру: заманауи педагогтің көзқарасы» тақырыбында VIII педагогикалық оқулар байқауының мектепішілік кезеңі өткізілді. Байқауға мектептің 8 бірлестігінің мұғалімдері қатысып, ұлттық құндылықтарды білім беру үдерісіне кіріктіру, заманауи педагогтің кәсіби ұстанымы мен жаңашыл тәжірибелері бойынша өз көзқарастарын ортаға салды. Сайыс барысында қатысушылардың шығармашылық ізденісі, педагогикалық шеберлігі мен кәсіби ой-тұжырымдары жоғары деңгейде көрініс тапты.

15.01.2026 жылы 11 “Б” сынып оқушыларымен “Стресске төзімділік” тақырыбында психологиялық қолдау көрсетілді. Іс-шара барысында оқушыларға стресс ұғымы, оның пайда болу себептері және адам психикасына әсері туралы ақпарат берілді. Стресті басқару жолдары түсіндіріліп, тыныс алу жаттығулары, релаксациялық әдістер және жағымды ой қалыптастыруға бағытталған практикалық тапсырмалар орындалды.

 Жас мамандар апталығының ашылуы өтті Бүгін «Менің атым – Жас маман» тақырыбында жас мамандар апталығының салтанатты ашылуы өтті. Іс-шара барысында жас мамандар өздерін таныстырып, кәсіби мақсаттары мен болашаққа деген жоспарларымен бөлісті. Бұл апталық жас мамандардың шығармашылық әлеуетін арттыруға, тәжірибе алмасуға және кәсіби дамуына серпін береді. Алда өтетін іс-шаралар барша қатысушыларға жаңа мүмкіндіктер мен тың идеялар сыйлайды деп сенеміз.

Жас мамандар апталығы аясында асхана қызметкерлеріне арналған ағылшын тілін үйрену сабағы ұйымдастырылды. Сабақты ағылшын тілі пәні мұғалімі Ермаханбетова Салтанат жүргізді. Үйрену барысында күнделікті тұрмыста жиі қолданылатын қажетті сөздер қамтылды: сәлемдесу үлгілері, жеміс-жидек атаулары, ыдыс-аяқ пен тағам атаулары. Шара қызметкерлердің тілдік қорын дамытуға, күнделікті қарым-қатынаста ағылшын тілін қолдануға бағытталды.

“Ұлағат” шығармашылық тобының ұйымдастыруымен “STEM, STEAM бойынша пәнаралық байланысты күшейту” тақырыбында мектепішілік семинар өткізілді. Семинар барысында жаратылыстану-математикалық бағыттағы пәндер арасында пәнаралық байланысты тиімді ұйымдастыру, STEM және STEAM технологияларын оқу үдерісінде қолданудың жолдары талқыланды. Қатысушылар тәжірибе алмасып, заманауи әдіс-тәсілдер арқылы оқушылардың шығармашылық және зерттеушілік қабілеттерін дамытуға бағытталған идеялармен бөлісті.

“Саналы азамат” сыбайлас жемқорлыққа қарсы мәдениетті қалыптастыру бағдарламасы және “Заң мен тәртіп” қағидатын іске асыру аясында мектебіміздің білім алушылары флешмоб ұйымдастырып өткізді. #сыбайласжемқорлыққақарсыкүрес #СаналыАзамат, #ЗаңМенТәртіп 

3 “Д” сыныбының көңілді бейнелеу сабағы. Оқушыларға өте қызықты болды👍🏻