Бүгін мектепте 5–7 сынып қыздары үшін маңызды ақпараттық кездесу ұйымдастырылды

Бүгін мектепте 5–7 сынып қыздары үшін маңызды ақпараттық кездесу ұйымдастырылды. Кездесудің негізгі мақсаты – жасөспірімдік кезеңдегі денсаулық, гигиена, жеке қауіпсіздік және психологиялық мәдениет туралы түсінік қалыптастыру.

Жиналысқа келесі мамандар қатысып, пайдалы ақпаратпен бөлісті:
🔹 Гинеколог – Адилбекова М. Н.
Жас ерекшеліктеріне байланысты қыздардың денсаулығы, жеке гигиена, профилактикалық күтім туралы түсіндірді.

🔹 Психолог – Жұмазанова Б. Б.
Өз-өзіне сенімділікті арттыру, эмоцияны басқару, буллингтің алдын алу және қыз балалардың психологиялық саулығы туралы кеңес берді.

🔹 Әлеуметтік қызметкер – Назарбаева Г. Б.
Қауіпсіздік ережелері, әлеуметтік ортадағы жауапкершілік және өз құқықтарын білу жөнінде мағлұмат берді.

Кездесу өте пайдалы әрі мазмұнды өтті. Оқушылар мамандарға өз сұрақтарын қойып, маңызды кеңестер алды.
💡 Мұндай шаралар қыз балалардың денсаулығын сақтауға, өз-өзін тануына және қауіпсіздігіне үлкен үлес қосады.